මෙහෙමත් ගොන් වැඩ කරන එවුන් ඉන්නෙ ලංකාවෙ කලාකාරයො අතරනෙ
මට මගෙ පොඩි කාලෙ කියවපු පොත් මතක් උනා. සත හැත්තෑපහට ගන්න තිබුන වත්තල ආර් විල්බට්ගෙයි, ටී එම් චන්ද්‍රසේනගෙයි, ඞීමන් ආනන්දගෙයි පොත් තමා නැගලා ගියෙ. මාරක කතා, වීර කතා, භූත කතා උනාට එකම අච්චුව. වීරයා- දුෂ්ඨයා - කෙල්ල - අන්තිමේදී අහේතුක අද්භූත අව්ශ්වාසනීය සිදුවීම් සමුදායක් තුලින් අතිශයෝක්තියට පමුනුවන ලද පැතලි වීරයා ජයගන්නවා. ජේමිස් බන්ඩා උනත් දුෂ්ඨයා ඩ‍්‍රැකියුලා නම් අන්තිමේදී කෙල්ලවත් අරගෙන අපිට බායි කියනවා. ඔන්න එහොම තවත් ඉස්සරහට යනකොට දවසක් පොත් ප‍්‍රදර්ශණයකට ගියා. ඉස්සෙල්ලාම මේසෙ තිබුනෙ කතා පොත් දෙකක් ‘වානේ පන්නරය ලැබූ සැටි’ 1 සහ 2. දෙකටම රුපියල් 6 යි.මම හිතුවා වැරදීමක් තමා කියලා. ගත්තා පොත් දෙක දීවා ගෙදර.අනීත් ඒවා බලන්න හිටියෙ නෑ.
ඔන්න කියෝගෙන යනවා. කොල්ලා පාවෙල් කියලා මගට යන්න පටන් ගන්නකොටම මීටර්. ඔන් ප්‍රෝස්යා කියලා චරිතයක් එනවා එයාට වෙන අසාධාරනයකදි පාවෙල් දත්මිටි කනවා. එතනම කියනවා අර්ට්යොම් අයියා ගැන. අන්න අයියා. මිනිහා නිකම්ම පොරක් වෙනවා. ප්‍රෝස්යාට කෙලවපු එකා එකට වැඩ කරන එකම මට්ටමේ එකෙක්. ඌට ගේම දෙන්නෙ අයියා. මොකද ඒකා පාවෙල්ටත් ගහපු නිසා’ හැබැයි ගේම ලැබෙන්නෙ ප්‍රෝස්යාට කෙලවපු ඒවාට ඇරියස් එක්ක. නමුත් මට ඕනා කෙල්ල. කොල්ලා විතරයි තාම සීන් එකේ. ඔන්න 68 වෙනි පිටුවට යනකොට කෙල්ල එතන. තෝන්යා. දැන් මම හොයනවා දුෂ්ඨයා . උන් දෙන්නෙක්ම ඉන්නවා එකෙක් සුහර්තෝ අනිකා වික්ටර්. ඒ උනාට කතාවෙ තියෙන්නෙ අර කලින් කියවපු ඕලාරික සිතුම් පැතුම් හරහා ගමන් කරන හැගීම් හා දෛවෝපගත සිදුවීම් මතින් යන රාම රාජ්‍යයක් තොරොම්බල් කිරීමක් නෙමෙයි.
කියවනකොට ස්ටෝරිය ඇතුලෙ තියන පට්ට යථාර්ථය එලියට එනවා . පාවෙල් තෝන්යා ගේ නිවසට යනකොටම තමාගේ නූගත් කම පිළීඹද වැටහීමක් ඇතිවෙනයා. තෝන්යා බෙහෝ පොත පත කියවනවා. ඇයට තමන්ගේම කියා පුස්ථකාලයක් ඇත. සංගීතය උගනියි. ඇයට පියානාවක් ඇත. විදේශීය භාශා හදාරයි. ඇයට ගුරුවරියක් සිටී .එහෙත් පාවෙල්ට මේ කිසිවක් නැත. තමන්ට පමනත් නොව තමා වැනි දුප්පතුන් යයි නම් කරන ලද්දන්ට වන අයුක්ති සහගත අසාධාරනකම් වලද සීමාවක් නැති බව ඔහු වටහා ගනී. වේටරයෙක් තමා මෙන්ම දෛනික වැටුපට සේවය කරන තවත් සේවිකාවක් වන ප්‍රෝෂ්යා ¥ෂනය කර ඇයට රූබල් 50 ක් වීසි කරන සැටි ඔහු අහම්බෙන් දකී. ලෝකයේ මුදලට තිබෙන තැන එය වේටරයෙකුට ලැබෙන සුලූ මුදලක් වූවත් එය ඇතැමුන් අනුන් මැඞීමට උපකාර කොට ගන්නා බලයක් බව ඔහු වටහා ගන්න පටන් ගනී. පාවෙල් ඒ අයුක්තියට එරෙහිව සටන් කිරීමට අවියක් සොයයි. ඔහු අසමානාත්මතාවයෙන් අම්බානක් කට්ට කනවා. ඒකට හේතුව පොරට සම්පූර්නයෙන්ම අවබෝධ නුවුවත් කොහේ යා යුතුද කවර කදවුරක සිට සටන් කල යුතුද යන්න ඔහුට මැනවින් ජීවිතය කියාදී ඇත. හරි සිස්ටම් එක මොකද්ද කියලා තෙරුම් ගන්නවා. පාවෙල් හරහා මමත් තෙරුම් ගත්තා. තවත්අය තේරුම් ගත්තා. තේරුම් ගන්න උත්සාහ නොකරන අයත් ඉන්නවා.
ඒ කට්ටිය තාමත් පාවෙල්ට තෝන්යාට බන්දලා දාන්න පුලූවන් ආකාරයේ පව පින දෛවය පෙරට දාපු ෆැන්ටසියක් හදන්න ටෙලි නාට්‍ය හරහායි සාහිත්‍ය හරහායි මාර ට‍්‍රයි. ඒ ට‍්‍රයි එකට උන්ට සම්මානත් හමුවෙනවා. පොරවල් වෙනවා. හැබැයි හැමෝටම නෙමයි.
No comments:
Post a Comment