Monday, January 31, 2011


සියල්ල මත බදු බර පැටවී ඇත. වැසියෝ බියෙන් පීඩාවෙන් සිය උපන් දේශය තුළම අසරණව බලා හිඳිති. ජාතියක් යටත් කළ තවත් ජාතියක් උදාරම්ව තව තවත් උන් පෙළන්නට නීති සාදති. ජීවිත අවිනිශ්චිතය. මිථ්යාව කරපින්නාගත් පාලකයෝ දූෂණයේ කෙවිටෙන් මිනිසුන් පෙළති. විරුද්ධව කෙළ පිඬක් හෝ හෙළන්නට ප්රශ්න කරන්නට කිසිවෙකුදු නැත. ‍tnkaoka විය හැකියයි සැක කරනු ලැබුවන් පවා සිරකූඩු වලය. සිරගතවූවන් ගැන ඇස්තමේන්තු ke;. පවුල් බලය යොදමින් කරන ගසා කෑම්, වංචා දූෂණ සාමාන්යකරණය වූ දේවල්ය. ලෙඩ රෝග වසංගත වෙමින් පැතිරේ. දරුවන් වැඩිහිටියන් බෙහෙත් පහසුකම් නැතිව මියැදෙද්දී පාලකයෝ වගක් නැතිව ක්රීඩා තරග නරඹති. මේ සියල්ලට ප්රභූ පැළැන්තියේ පූජක සංඝයේ ආශිර්වාදය නොමදව හිමිය. එකිනෙකා බලය රස විඳියි. ඉදින් වරද එළිපිට වේ නම් එකිනෙකා ඒවා විසින් සාධාරණීකරණය කොට නීත්යානුකූල කිරීමේ මුද්රාව තබයි. රාජ්යය විසින් ආගමික යාන්ත්රණයට... ආගමික යාන්ත්රණය විසින් රාජ්යයට..... එකිනෙකින් පෝෂිත පරපෝෂිත දේහය දිනෙන් දින මිනිසුන් කා දමමින් සිටියි.

රැය උදාවෙයි..... මිථ්යාවෙන් අන්ධ වූ රජු සදා කල් සිහසුන රැක ගනු වස් රැයේ උපන් සියළු පිරිමි දරුවන් මරා දමන්නට අණ දෙයි. තෝර තෝරා හිඳින්නට වෙලාවක් නැත. ඕනෑම කෙනෙක් ඕනෑම දෙයක්; ගහක් ගලක් වුව ඕනෑම මොහොතක සිහසුනට සතුරු විය හැක. හොඳම දෙය නීත්යානුකූලව වනසා දැමීමය. වැසියන් තැන තැන මුණු මුණූ ගෑව , යම පල්ලෝ විත් මේ දැන් ගර්භාෂයෙන් ප්රවේශමින් එළියට ගත් මව් කිරි උරන දරුවා ඇදගෙන ගොස් මරා දැමුව කෝපයට පත්ව කැරළි ගසන ජනතාවක් මෙහි නැත. දහස් ගණන් පිරිමි දරුවන් මෙසේ මියෙද්දී එක් දිරිය මවක් වඩුවෙකු වන සිය වියපත් සැමියා සමග සිය බිළිඳා රැගෙන වෙනත් දෙසකට පළා යයි.

නොරටක බොහෝ දුක් විඳ දරුවා ඇති දැඩි කරන මා පිය යුවළ යළි සිය රට ඒමට වසර ගණනක් ගත වෙයි. යළි පැමිණිය සියල්ල එසේමය. වඩු පවුලේ යෞවනයා වැඩෙන්නේ දූෂණය, වංචාව, මැරකම්, රාජ් ත්රස්තවාදය සේම රාජ් පාලනයේ ප්රබල හස්තයක් වන පූජක යාන්ත්රණයේ කුහකත්වය අත්දකිමිනි. වසර තිහක ජීවිතය තුළ ඔහු වඩුකම ආගම සහ සමාජය මිනිස් ස්වභාවයන් සහ තම ඇතුළාන්තය විමසමින් හදාරා තිබේ. වසර සිය ගණනක් සහෝදර වැසියන්ට පුරුදුව පැවති වහල් බව ඉවසන, හිස පහත් කොට දීන වන ස්වභාවයෙන් වෙනස් වන්නට ඔහු තීරණය කරයි. තීරණය අනාගත ලෝකයේ බොහෝ ජීවිත සංසිද්ධින් උඩු යටිකුරු කරන එකක් බැව් ඔහු දැන සිටියාදැයි දන්නේ ඔහුම පමණි.

එතැන් පටන් සිය නිවස පවුල වඩු වැඩ අත්හරින ඔහු තමන්ට ආවේනික වූ ශෛලියකින් ආගමික පදනමකින්, පවත්නා දූෂිත ක්රමය ප්රශ්න කිරීම අරඹයි. ඔහුට පිරිවර වන්නේ උගතුන් බුද්ධිමතුන් හෝ ප්රභූවරුන් නොවේ. කම්කරු මිනිසුන්, ගැහැණුන් සහ ගණිකාවන්ය. විටෙක ඔහු දේශන පවත්වයි. විටෙක මිනිසුන්ගේ අවශ්යතා වෙනුවෙන් වෙහෙසෙයි. විටෙක පූජක පණ්ඩිතයින් සමග ගැටෙයි. පල්ලියේfonsvs පිළිවෙතට කෙළ ගසයි. ආගම, බලය උදෙසා ගණිකා වෘත්තියේ යොදවන, ධර්මය හැර සියල්ල ක්රියාවේ යොදවන ආශිර්වාද ලත් පූජකයින්ට අභියෝග කරයි.

මෙහි ප්රතිඵලය වූයේ විය යුතු පරිදිම පල්ලිය වියරු වැටීමයි. පාලක අධිරාජ්යයෙන් ලද බලය ජන සමාජයක් මත යොදවමින් මහත් වරප්රසාද භුක්ති විඳිමින් සිටින ඔවුනට ප්රත්යන්ත දනව්වක සිට පැමිණි වඩුවෙකුගේ මේ රංගනයෙන් සිය බල වේදිකාව 'කෙළෙසෙනු" දකින්නට අවැසි වන්නේ නැත. ඇකයේ උන් දරුවන් මරා දමද්දී නිහඬව උන් ජනතාවක් කිසිවෙකු අතින් ඇවිස්සෙනු දකින්නට පූජකයින්ට මෙන්ම අධිරාජ්යයට අවශ් නැත. අවසාන පැය එළඹෙන්නේ නපුරන් විසින් මිතුරන් මිළට ගැනීම්, පාවා දීම් සහ පිරිවර හැරයාම් සමගිනි.

එපමණකි.

වධදීම් වලින් පසුව ඔහුව කුරුසියේ ඇණ ගසා මරා දමන ලදි.

මරා දැමූ තරුණයාගේ නම ජේසුස්ය.
ඔහු ඉපදුණ බව ලෝකය යළි යළිත් සමරයි. මේ සීතල දෙසැම්බරයේ එය සිදුවෙයි.
ඔහු ඉපදුණු බව අප දන්නේ ඔහු මරා දැමූණු නිසාය.
ඔහු මිය ගියේ අනුන් වෙනුවෙනි. මිනිස් සමාජයක් වෙනුවෙනි.
මානව ඉතිහාසය තුළ අනුන් වෙනුවෙන් දිවි පුදා ඇණ ගැසූ ලෝකයා විසින්ම වඩාත්ම උත්කර්ෂයට නංවනු ලැබූ මිනිසා ඔහුය.

වසර දෙදහසකට පෙරය.

අදත්......


කුරුස සූ දා මි නි !

ජේසුස්ලා....?


උපුටනයකි

2 comments:

  1. සහෝ මෙය ලිව්වෙ ආලෝක රණසිංහ නිසා ඒ නමත් මෙතන යොදන්න... මුල් සබඳිය පැහැදිළි නැති නිසා...ඒක කර්තෘ ට වෙන අසාධාරණයක්..... ඒවගේම

    " ඔරිජිනල් සබැඳිය ට යන ලින්ක් එක පැහැදිළිව පෙන්වන්න...."

    ස්තූතියි.....

    ReplyDelete
  2. ඔර්ජිනල් සබැදියට යන ආකාරය දාන විදිහ මට කියලා දෙන්න
    ස්තූතියි

    ReplyDelete